23A—
Salonika

      En el vergel de la reina,         hay crecido un bel rozal.
  2  La raíz tiene de oro        y la cimiente de un bel cristal.
      En la ramica más alta,         un ruxibón sentí cantar.
  4  El cantar que va diziendo,         gloria es de lo escuchar.
      La reina estaba labrando        y la hija durmiendo está.
  6  —Alevantéx, la mi hija,         del vuestro dulce folgar.
      Venid, veréx como canta        la serenica de la mar.
  8  —No es serena, mi madre,       sino es el conde Alimar,
      que con mí quijo reire        y que con mí quijo burlar.
10  —Si es esto, la mi hija,         yo lo mandaré matar.
      —No lo matéx, la mi madre,        ni lo quijerex matar.
12  El conde es niño y muchacho,        el mundo quiere gozar.
      Desterrarldo de estas tierras,      de aquí no coma pan.—
14  La reina, que de mal tenga,        presto los manda a matar.
      Matólos y degoyólos      y los mandó a enterrar.
16  El se hizo una graviyina;        eya se hizo una conjá.
      La reina, desde que lo supo,       presto los mandó arancar.
18  Arancólos y deshojólos       y los mandó echar a volar.
      Eya se hizo un[a] paloma        y él se hizo un gavilán.
20  La reina, desde que lo supo,        presto los mandó aferrar.
      Aferrólos y degoyólos       y los mandó echar a la mar.
22  Eya se hizo una perquia        y él se hizo una cara sazán.
      La reina, desde que lo supo,       presto los mandó a pexcar.

24  Pexcólos y degoyólos        y los metió a cozinar.
      Al fin de la mediodía,          los quitó por almorzar.
26  Las espinas que salieron,         las enterró en su portal.
      Eya se hizo una culebra         y él se hizo un alacrán.
28  En el cueyo de la reina,         se le hue asarrear.